tuhoe 15 cae - laptop and coffee (sepocikopi.com)Dingoe long kisah wahee eu akhi
Keu keudee kupi ulon calitra
Dari jemeun mula lon rawi
Bhah keudee kupi gampong ngen Banda

Watee yoh jamuen geumeukat kupi
Lee Toke Wahi ngen Apa Banta
Timphan ngen ngen bada teumon u kupi
Jinow hai dek ti jioh that beda

Jamuen bak keudee yang na chiet tivi
Jinoe beuna wifi ngen surat haba
Ta eu that meh mouh ka si Mat Ali
Laptop ji peusi laju lee sigra

Uroe ngen malam hanalee meuri
Laloe ngen wifi hana jikira
Aneuk di rumoh jikliek meu ie ie
Sira ngen campli hana so kira

Beu ingat-ingat wahee e Dekti
Nyan teknologi bek salah guna
Bek sampee tanyoe jeut keu budak teknologi
Salah boh arti cukop na gura

Hana so larang nguy teknologi
Asay aturan beuna ta jaga
Mumada oh no haba long rawi
Bak laen kali ta sambong teuma

Lon lakee meuah meuyoe na yang reunggi
Kadang di yah li lagee keunoeng nuga
Kadang bak kadang jeut ta jeep kupi
Dengon Zulfadli lagee biasa

Banda Aceh, 04 Februari 2009
Po Kalam, Zulfadli Kawom

Dimuat di Buletin Tuhoe Edisi XV, Desember 2012