tuhoe 15 cae - fundraising (theclimatescepticsparty.blogspot.com)Nanggroe Meulabouh na Pante Ceurmen
Na lon jak meu en bak sabouh masa
Keunan ulon jak dengen geutangen
Meu angen-angen yoh wate muda

Bacut lon rika masalah angen
Saweub le agen jinoe dum nyata
Baroe kon hantom na lagot angen
Jinoe ka meusen angen ka laba

Laweut leu haba keu klaimet cheng
Masalah angen jineuk kelola
Donya ka seu um utuen ka cuheeng
Maka jih angen cukop jihawa

Geutanyoe aceh chiet leubeh angen
Gunong dum leuhu bak kayee raya
Gunong Lauser ngen Ule Masen
Hinan ji meusyen leupah leu kada

Menurot haba jiba le angen
Meureupah agen publoe u luwa
Aleih pakiban jipubloe angen
Peureutee agen di Aceh raya

Di nanggroe luwa laju jicok sen
Masalah angen haba meubura
Ho ho yang tajak masalah angen
Ureung ka sen wen geudingoe haba

REDD nan program le plen
Di Apa Bensen muphoum geuh hana
Ladom jipeugah kayee drop angen
Jilipat ngen ngon sen meu tateem jaga

Sayeung, Sampoiniet Aceh Jaya
08 April 2010
Po Kalam, Zulfadli Kawom
Dimuat di Buletin Tuhoe Edisi XV, Desember 2012