separator

Jinoe lon kisah saboh riwayat
Asai mula that na JKMA
Di Kota Banda geumeuduek pakat
Rame tokoh dat dum geuteuka

Thon sikureung ploh sa lahe seupakat
Peudong lembaga adat nan JKMA
Nibak masa nyan Aceh lam konflik
Hanjeut meupolitik ureung lembaga

Meusoe nyang kritik watee nyan mate
Alasan sabe di penan GPK
Watee leuh tsunami geubri bantuan
Keu ureueng yang korban keunong bencana

Kegiatan geususon program geu ato
Karena ICCO tem sumbang dana
Jinoe JKMA na tiep daerah
13 boh daerah nyang jinoe kana

Mulai Aceh Rayeuk sampoe Sinabang
Tamiang rakan hingga Aceh Tenggara
Tiep kabupaten jinoe ka teudong
Tinggai tapeukong wahe syedara

Tabangun nanggroe tapeukong adat
Hikmah rayek that pahala pih na
Kongres keu dua lokasi di Lhoong
Mandum meuhimpon keunan geuteuka

Musyawarah rayek nibak watee nyan
Pileh pimpinan di JKMA
Peuget atraksi ngon kesenian
Untuk seulingan keu para peserta

Kongres meulansong cukop that aman
lheuh thon 2007 sukses acara
Kongres yang keu lhee 2010
Tempat rakan beh di pulau wisata

Payah ek very ngon tajeumeurang
Sideh di Sabang peuget acara

ca’e Ruslan Katana


Dimuat di Buletin Tuhoe Edisi XIII, September 2010